_1704867435.jpeg)
धरान: लायन्स क्लव अफ पञ्चकन्याले वराहक्षेत्र नगरपालिकामा रहेको पर्यटकीय गन्तव्य अमाह सिमसारमा विभिन्न प्रजातिका एक हजार वटा फलफुल र रुखको विरुवाहरु रोपेको छ ।
अमाह वन उपभोक्ता समुह र धरान सरोकार समाजको सहकार्यमा शनिवार वृक्षरोपण कार्यक्रम भएको हो । अमाह सिमसार धरान देखि करिव आठ किलोमिटर वराहक्षेत्र नगरपालिका ४ र ५ नम्बर वडामा पर्दछ । आन्तरिक पर्यटकहरुमाझ अमाह सिमसार चर्चित वन्दै गइरहेको छ । वन उपभोक्ता समितिले आन्तरिक पर्यटकलाई लक्षित गरेर सिमसार घुम्न आउनेहरुलाई मनोरञ्जनका लागि वोटिङ्ग, पिकनिक स्थल लगायतको निर्माण गरेको छ ।
पर्यटकीयस्थलको रुपमा चर्चित रहेको अमाह सिमसार क्षेत्रमा परिवार संग घुम्न आउदा कुनै पनि जंङ्गली पशुपक्षीहरु नदेखे पछि स्थानीयसँग जिज्ञासा राख्दा पशुपक्षीको आहार हुने बोटविरुवा नभएको भन्ने थाह पाएपछि लायन्स पञ्चकन्या र अमाह वन उपभोक्ता समुह संग सहकार्य गरि फलफुलको विरुवासहित वृक्षरोपण गरिएको धरान सरोकार समाजका सल्लाहकार सरु जोशीले बताइन् । यसले नेपालमा वढ्दो जलवायु परिवर्तनको असरलाई पनि न्युनिकरण गर्नमा सहयोग पुग्ने उनको भनाई थियो ।
बृक्षरोपन कार्य कार्यक्रमका प्रमुख अतिथी डिस्टृक गभर्नर पिएमजीफ ३२५ धिरज गुरुङ्गले बिरुवा रोपेर सुरु गरेका थिए । वृक्षरोपण कार्यमा अम्वक, अमला, तितिरी, शिरिस, सजिवनी, किम्वु, वेल, अशोक, अर्जुन, रक्तचन्दन, पिपल, तेजपत्ता लगायत ३३ प्रजातिको विरुवा रोपिएको आयोजक लायन्स क्लव अफ पञ्चकन्याका अध्यक्ष एकता श्रेष्ठले बताइन । क्लवले लायन्स क्लवको सिद्धान्त अनुसार शिक्षा, स्वास्थ्य र वातावरण संग सम्वन्धित सामाजिक कार्यहरु गर्ने योजना रहेको कार्यकममा जानकारी गराइन् । क्लवले चाडै नै पैसाको अभावमा पढ्न नपाएकाहरुलाई लक्षित गर्दै वान रुपिस फर एजुकेशन अभियान सुरु गर्ने पनि उनको भनाई थियो ।
क्लवले यही विहिवार धरान १५ मा रहेको वमधारा खानेपानी मुहान संरक्षणका लागि ७ सय वटा फलफुलका विरुवा रोपेको थियो । कार्यक्रममा नेपाल पत्रकार महासंघ सुनसरी अध्यक्ष जनकऋषि राई , बराहक्षेत्र ५ नम्बर वडाध्यक्ष रोहित काफ्ले, अमाह बन उपभोक्ता समूह अध्यक्ष भोजराज घले, धरान सरोकार समाज अध्यक्ष प्रभु श्रेष्ठ, एमजेएफ लायन्स रेखा गुरुङ्ग, युवा समाजसेवी सम्राट श्रेष्ठ लगायतको उपस्थिती रहेको थियो ।
तस्बिरहरु: बिकाश चाम्लिङ राई
_1711524552_1711967437.jpg)
