_1704867435.jpeg)
धरान: नेकपा एमालेको आसन्न ११ औं महाधिवेशन प्रतिनिधि छनौट अन्तर्गत सुनसरी क्षेत्र नं १ मा भएको निर्वाचनबाट ५ जना निवार्चित भएका छन् ।
प्रतिनिधि छनौटमा सहमति जुट्न नसकेपछि शनिबार सुनसरी १ को प्रतिनिधि छनौट गर्न धरानमा मतदान भएको थियो । तीन स्थानमा भएको मतदात केन्द्रबाट खुल्लातर्फ आसाराम चौधरी, जयकुमार राई र मुरारी सुवेदी निवार्चित भएका छन् । चौधरीले ६७४, राईले ७७६ र सवेदीले ७९६ मत पाएका थिए ।
खुल्लातर्फ ३ जना प्रतिनिधिको कोटामा १० जनाले मनोनयन दर्ता गराएका थिए । ती मध्ये कोशी प्रदेशसभाका सदस्यसमेत रहेका रमेशकुमार बस्नेत (३७६ मत) र विजयकुमार राई (३९१ मत) पनि पराजित भएका छन् ।
यसैगरि, महिलातर्फ २ जनाको कोटामा सीता भण्डारी पौडेल ७६६ मत र सुशिला पहाडी ढकाल ७१५ मतसहित महाधिवेशन प्रतिनिधिमा निवार्चित भएका छन् । दुई जनाको कोटामा ६ जनाले उम्मेद्वारी दिएका थिए ।
यस्तै, युवातर्फ दिवस वान्तवा राई ८८६ मतले निवार्चित भएका छन् । एउटा कोटामा तीन जनाले उम्मेदेवारी दिएका थिए । युवाहरुबीच सहमति गराउन भएको छलफलमा विवाद हुँदा जिल्ला कमिटी सदस्यसमेत रहेका अनिल राजधामीमाथि कुटपिटसमेत भएको थियो ।
