_1704867435.jpeg)
धरान: कोशी प्रदेशको विरोधमा आज विराटनगरमा भएको प्रर्दशनको क्रममा झडप भएको छ ।
कोशी प्रदेशको विरोधमा पहिचान पक्षधरहरुले सांसदहरु सहभागी हुने कार्यक्रमस्थलअघि घेराउ र प्रर्दशन गर्ने क्रममा प्रहरीसँग झडप भएको थियो । उक्त झडपको क्रममा १३ जना प्रर्दशनकारीहरु घाइते भएको किरात राई यायोक्खा सुनसरीका कोषाध्यक्ष उपेन्द्र चाम्लिङले जानकारी दिए । उनका अनुसार घाइतेहरुलाई उपचारको लागी वीपी कोइराला स्वास्थ्य विज्ञान प्रतिष्ठान धरान ल्याइदैछ ।
मुख्यमन्त्री कार्यालय नजिकै बिग होटलमा प्रदेशका सांसदहरु युएनडिपीले आयोजना गरेको कार्यक्रममा सहभागी हुने जानकारी पाएपछि पहिचान पक्षधरहरु त्यसतर्फ गएका थिए । उनीहरुले पहिचानको विरोधमा कोशी प्रदेशमा मत दिने सांसदहरुलाई उक्त कार्यक्रममा प्रवेश गर्न नदिने उद्देश्यले गएका थिए । त्यसक्रममा प्रहरीसँग झडप भएको थियो । प्रहरीले हवाई र अश्रुग्याँस पनि प्रहार गरेको थियो ।
_1711524552_1711967437.jpg)
