_1704867435.jpeg)
धरान: वीपी कोइराला स्वास्थ्य विज्ञान प्रतिष्ठान धरानका कायममुकायम उपकुलपति प्रा.डा.प्रह्लाद कार्कीको नियुक्तीलाई उच्च अदालत विराटनगरले वैधता दिएको छ ।
कार्कीको नियुक्ती कानुनसम्मत नभएको दाबी गर्दे धरानका सुमन श्रेष्ठले उच्च अदालत विराटनगरमा रिट निवेदन दर्ता गराएका थिए । उक्त रिट निवेदनमा अन्तरिम आदेश जारी गर्नेबारे शुक्रबार दुवै पक्षको वहस सुनुवाई पश्चात न्यायधिश राजेन्द्र अधिकारी र केशव प्रसाद बास्तोलाको संयुक्त इजलाशले कार्कीको का.मु.उपकुलपति नियुक्त विरुद्ध अन्तरिम आदेश जारी नहुने आदेश गरेको हो । उच्च अदालतको यो आदेशसँगै प्रतिष्ठानमा का.मु.कार्कीलाई कानुनीरुपमा नै काम गर्ने बाटो खुलेको छ।
बढुवा प्रक्रिया सुचारु हुनुपर्ने माग गरेर आन्दोलनरत शिक्षक, कर्मचारीहरुले डा.कार्कीको का.मु.उपकुलपति नियुक्तीमाथि नै प्रश्न उठाउदै आएका थिए । प्रतिष्ठानबाट डा.कार्कीले उमेर हदको कारण मंसिर ५ गते नै अवकाश पाइसकेकोले उनी कर्मचारीकोरुपमा नरहेको र कायममुकायम पदमा नियुक्ती दिन पनि नमिल्ने भन्दै कार्कीको विरोध भइरहेको थियो । नियुक्ती विरुद्ध परेको रिटमा अन्तरिम आदेश जारी नभएपछि का.मु.उपकुलपतिको हैसियतमा कार्कीलाई काम गर्ने बाटो खुलेको हो ।
_1711524552_1711967437.jpg)
